gillesbrulagebosses

Les préparatifs, l'allumage	L'allumage de la torche
L'allumage de la torche	Le condamné ... pas trop triste ! c'est la fête !
Le condamné	La mise en place sur le bûcher
Condamnation, sentence ...	La Sentence tombe
L'allumage du bûcher	le condamné en mauvaise posture !
Pauvre condamné !	tout feu, tout flamme !
L'entretien du foyer	Les réjouissances reprennent
Réjouissances, danses et ... bénédiction ...	Il est "béni" .... ou ... JE suis ...
Les dernières bosses achèvent de se consumer	A l'année prochaine ! Nombreux au brûlage des bosses de nos amis les Gilles ...

Ch’est pas des bricoleux !
Eusse non plus ! ….

Face à la mer …. Rose est le granit ! …
J’busis à min villache…
Aliboron s’dessine dins ché nuaches
Et parmi ché rochers de l’côte découpée
Ch’est note fier Jehan qui s’profile ….
Dins m’tiète y’a enne banse d’imaches qui défilent…

Ouais ouais, j’sais bien, te m’arcônnos !
Mais cha va pas ête parèle
Cha comminche parèle pass’que j’rêfe,
Après ch’est pu parèle…..

Et vôlà, incore enne cavalcate qui s’met in route
Nos « Ch’est pas des bricoleux »
y’ont incore tertous bien ouvré, y’a pas d’doutes.
Y’s’sont bien dém’nés pou ch’villache
Pour les yux d’ché gins, pleins d’belles imaches…
Et dins leu tiète un biau voïache !

In deux mille neuf
Y’aura du neuf…..
Avec l’accord de ch’nouviau maire
In prolonche la fête
Avec ché Gilles d’Aulnoye, in fait la fête !
« Allumer le feu » y dirôt min camarate Johnny !

In n’va pu s’exiler dins les fins fonds de ch’villache.
Ch’maire et ch’présidint d’l’UB y’ont dit :
Cha s’ra d’vant la mairie,
In va brûler ché bosses d’pale d’vant la mairie,
In va faire v’nir ché gins, in va prolonger la fête
Et ché gins, assoiffés d’traditions
Y’vont v’nir pou l’récréation …
Cha fait du bien, cha ravigote, ……….

Te verras, cha vaut l’coup…
Ch’est biau, ch’est kaud….
Gramint d’chaleur ….
Gramint d’chaleur humaine ….
De l’bonne humeur qui rékauffe les p’tits cœurs !

Ché Gilles y brûlent’te leu bosses :
T’as r’marqué ché bosses dins leu biau costume ?
Les brûler ch’est l’coutume.
Pas ché biaux habits hein ! foc che l’pale !
Nous à Estaires in fait cha bien…
« dans les règles de l’art »
Comme y disent’te ché gins qui causent’te bien !

Che l’cavalcate elle est pas finie pour tertous :
Ché Gilles, in musique, y s’argroupent
Ché badauds y s’attroupent
Et l’sarabande alle se met in route !
Ch’tambour y rythme la danse
Et l’danse alle rythme ché sabots
Et l’danse alle rythme ché clochettes
In dit qu’ch’est frénétique, Ch’est fin biau !
Te peux pas t’impêcher d’argibonner
Cha danse, cha danse
Cha clochette, cha clochette,
Et claquent les sabots, et claquent les sabots….
Et cha rythme et cha rythme !

Et ché Gilles, tout in dansant
Y mettent un des leurs su ch’bucher.
Ch’patron, y s’met à prier…
Ou, y ar’commante sin camarate auprès de ch’bon diu ?
J’ai pas compris sin langache….
A che l’pale y n’a un qui met l’fu,
Et cha brûle… et cha finque,
Bah ouais hein… si qu’ch’est de l’pale !
Mais sin camarate y’est d’ssus !!!

Cha danse, cha danse
Cha clochette, cha clochette,
Ché sabots y claquent, Ché sabots y claquent
Et cha rythme et cha rythme,
Cha tournicote et cha gigote,
Te peux pas t’impêcher d’argibonner
Cha brûle, cha brûle
Cha finque, cha finque…
Te n’dôs même pas éternuer !
Et l’aute Gilles y’arrife avec sin bénitier,
Cha y faut l’vir… cha y faut l’vivre …
Cha fait toudis d’l’effet
Cha fait d’l’effet par et d’où qu’cha passe …..
Et l’aute, y trépasse ?
Non, non, in va dire qu’y’a eu kaud !

Cha fume, cha danse, cha clochette,
In passe un rude bon momint.
Che’l’pale alle est brûlée,
Ché soucis y sont infumés,
Dins nou villache,
Ché traditions alle sont bien ancrées,
Gavés d’belles z’imaches
A nou majon in peut rentrer
Et déjà à l’prochaine fête pinser….
Allez… ti aussi t’es invité,
Tes z’infants vient régaler,
Ch ‘est la fête dins tin villache,
Avec tous ché gins, viens t’amuser.

(Jean-Luc / Programme Pentecôte 2009)