Après une auscultation approfondie et.... un scanner "manuel" le diagnostic s'est révélé précis et encourageant... rien de très grave. Aliboron a besoin de consolidation et de chirurgie... esthétique.

En ce début mars 2010 monsieur Tricart commence le "déshabillage" de notre baudet... 

(Photos Tony Haverland et Union Bienfaisante)

Après le déshabillage, le démontage de ses plus beaux "atouts" ! oreilles, yeux, queue, ....

Démontage non dénué de surprises : la queue de notre Aliboron était ... une vraie queue de cheval....

quand aux yeux, ils étaient constitués de manches de veste militaire.... les boutons s'y trouvaient encore ! les yeux étaient peints sur ces manches !!!

Aliboron est "emballé"... Non, non, il ne s'est pas emballé ! il est brave notre cher baudet... Il reste bien calme, soumis et confiant en la dextérité de son soigneur. On peut vraiment dire qu'il fait "Peau neuve" !

Oserait-on dire qu'Aliboron a... une confiance aveugle en Monsieur Tricart ? Oui, oui....

La photo ci-contre reflète très bien de la qualité du travail effectué par Monsieur Tricart. Sur l'emballage (film plastique bien serré) Monsieur Tricart a étalé une résine mélangé avec de la fibre. Après séchage et durcissement de cet enduit, il a collé, avec de la résine, du crin naturel.... c'est cette étape qui redonne à Aliboron son bel aspect.

Aliboron fait peau neuve...

« Et quô qui t’arrifes min camarate ?
T’as t’paupière qui kè
Et t’n’eule in vadroule… »

C’est notre fier géant Jehan
Qui s’inquiète de la santé de son camarade Aliboron

« Bah ouais, j’sus pas dins m’n’assiette,
Figure-te que ch’docteur y’est venu…
Te sais avec ché gins là…. T’es pas malate
Et pi, quand y s’in va…. Et bah, t’es mal à pattes…

Ch’est ch’Présidint d’l’UB avec ses camarates
Qui ont décidé de m’faire un « Check up »
Te t’rinds compte… un « Chek up » pour mi…
Quelle idée…. Un « Check up » pour un baudet
Y paraît que j’rajeunis pas !
Y paraît quà m’n’ache… ch’est l’usache !
Alors ch’docteur y’est v’nu…
Mi j’aime bien un docteur comme cha,
Y’a même pas d’valisse…
Y’a que s’n’eule et qu’ses dôgts
Figure-te qu’avec cha… y’in fait d’l’ouvrache !

Y m’a ravisé, scruté, taté, palpé, « ausculté »
Comme y disent’te ché gins,
Ché gins qui causent’te bien…
y’est rintré dins min vinte
et là incore, ravisé, scruté, taté, palpé, ausculté…
et incore ravisé…Et m’carcasse inspectée
diagnostic : j’sus malate…
ch’est enne drôle d’maladie,
in peut pas faire grind kausse qui m’a dit…
mais y’a enne c’est quô d’rassurant
ch’est qu’y’a gramint d’gins qui l’ont…
du moins à c’qui paraît
à m’mote qu’y’a dit cha pour m’rassurer…
ch’est l’maladie du temps qui passe !!!!!
Enfin, in verra bien…
D’toute façon ché gars d’l’UB
Fiers e’d’mi, y’ont décidé de m’faire soigner…
Vôlà, vôlà… ch’est pas drôle,
M’paupière elle ké et min poil y’défrisse… »

C’est ainsi que notre tendre Baudet
A l’hôpital s’en est allé…..

Ch’est l’hôpital qu’y’est v’nu à li.
Dins sin garage y’est resté
Et ch’est ch’docteur qui s’est déplacé
Avec application, à l’ouvrache…y s’est mis
Sous l’regard protecteur de Jehan son ami

« Et quô qui l’y fait à min camarate ?
Y li inlève s’queue…
Y défait ses orèles
Et pire incore, y li ar’tire ses z’yux !
Ouais ouais…. Y li ar’tire ses z’yux !

Et là que surprisse
Des z’yux… que d’ale ! des manches d’casaque…
Cha ch’est enne surprisse !
Des manches d’casaque militaire à l’plache d’ses z’yux !
Et avec ses boutons !
S’n’eule y’étôt peint su ch’tissu !
Après y li a r’tiré (in’l’vé) sin ratelier…
Y’est bien triste min camarate sins dint
Sins orèles et sins z’yux….Méconnaisape !
Cha, ch’est l’première étape…
Y’a rin qui va ma…mais cha fait drôle
D’vir sin copain comme cha…

Après y’a imballé min camarate
Imballé, bien serré, dins un plastique.
Min fier Aliboron
Trinsformé in extraterrestre !
Su ch’film plastique y li a étalé de l’résine
De l’résine mélingé avec de l’fibre…
Alors là min camarate
Ch’est pu un extraterreste
Ch’est dev’nu un « Alien » ou quékausse comme cha..
Su ch’mélanche durchi, y’a collé du crin
Du crin de g’va ? j’sais pas…
In tout cas du crin naturel collé avec de l’résine
In appelle cha faire peau neufe…
Là min camarate y’est r’d’v’nu min Baudet,
Min Baudet à mi, min baudet qu’j’aime bien,
Min Baudet qu’y’est min copain….
J’l’arcônnos… Ch’est bien li…
Ch’tiot momint d’ingoisse y’a été vite passé !

Et pi, in arrife à l’finition…
Pour s’belle crinière, des poils d’ramon 
Pour ses cils, des poils d’ramon frisés au fer…
De l’résine in forme pour ses orèles et s’queue
Sins oublier des poils…. Bah ouais, enne bête à poils ch’est comme cha… y n’a partout !

Et v’là ti pas qu’maint’nant y bricole dins sin cou
Y li met un r’sort pour que s’tiète elle barloque..
Cha ch’est enne affaire ! Et quelle affaire !
Min camarate y va saluer ché gins !
Y’étôt déjà fier comme cha, mais alors là !
Non seul’mint y va les saluer
Mais y va continuer à les arroser…
Bah ouais cha s’rot pu min fier Baudet,
Cha s’rot pu Aliboron !
Les arroser et lancer des bonbons….
Aliboron des Estairois le Compagnon !

Te vôs Ali… ch’étôt pa si grafe que cha…
Quéques semaines d’ esthétique chirurgie 
Et te v’là r’parti… Y t’minque pu qu’du sint bon !
T’as tourné enne pache de t’vie
Bien solite et gaillard… mieux qu’avant …
Enne c’est quô ravi ! 
Te vôs… Un baudet… cha peut rajeunir ! »
Merci Gérard. Merci les gars d’l’UB.
                                                           (Jean-Luc B.)